Ndryshimet ligjore parashikojnë që rrogat e funksionerëve të zgjedhur dhe të emëruar të harmonizohen me kushtet ekonomike, duke nisur nga muaji gusht.
SHKUP, 24 SHKURT 2026 – Një grup deputetësh në Kuvendin e Maqedonisë së Veriut ka dorëzuar sot propozim-ndryshimet e gjashtë ligjeve, të cilat synojnë uljen e pagave të funksionarëve deri në 13,000 denarë. Ky vendim pritet të hyjë në fuqi me pagat e muajit gusht dhe do të kalojë përmes një procedure të përshpejtuar parlamentare.
Çfarë ndryshon konkretisht?
Sipas propozimit, ndryshimet do të prekin një gamë të gjerë të zyrtarëve, ndërsa risi ka edhe për pushtetin lokal:
-
Kryetarët e komunave: Propozohet një shkallë e re e koeficientit, e cila do të përcaktohet në bazë të numrit të banorëve në komunën përkatëse.
-
Harmonizimi ekonomik: Synimi është që pagat e larta të funksionarëve të jenë në përputhje me realitetin ekonomik të vendit.
-
Afatet: Deputetët presin që ligjet të miratohen brenda një afati sa më të shkurtër kohor.
“Qëllimi kryesor i këtyre ndryshimeve është që në mënyrë të barabartë e drejtë të ndahen mjetet buxhetore,” deklaroi deputeti i VMRO-DPMNE-së, Bojan Stojanovski.
Shpërndarje më e drejtë e buxhetit
Sipas propozuesve, ky hap vjen si nevojë për të treguar solidaritet dhe menaxhim më të mirë të parave të taksapaguesve. Me rregullimin e ri, mjetet e kursyera pritet të ridestinohen për nevoja të tjera sociale dhe ekonomike në vend.
