Për sezonin veror 2026, çmimet e apartamenteve për akomodim në Adriatik shfaqin një stabilitet të moderuar, me çmime paksa më të ulëta në korrik krahasuar me gushtin, ndërsa shumica e qiradhënësve nuk bëjnë dallim bazuar në kohëzgjatjen e qëndrimit.
Pas çmimeve rekorde në vitin 2025, kur Kroacia shpesh u gjend në ballinat e mediave botërore për shkak të çmimeve tejet të larta, këtë vit qiradhënësit janë përmbajtur nga rritjet e reja. Arsyet për këtë janë inflacioni i lartë në BE dhe situata e paparashikueshme e sigurisë në Evropë dhe Lindjen e Mesme, gjë që ndikon në kërkesën turistike.
Destinacionet më të njohura për turistët tregojnë një spektër të gjerë çmimesh për apartamente për dy persona:
-
Dubrovnik: nga 75 deri në 1,900 euro për korrikun dhe deri në 2,000 euro për gushtin.
-
Hvar: nga 112 deri në 670 euro në korrik dhe nga 120 deri në 800 euro në gusht.
-
Rovinj: nga 77 deri në 880 euro në korrik dhe nga 62 deri në 1,300 euro në gusht.
-
Split: nga 80 deri në 5,000 euro për natë, njëjtë si në korrik ashtu edhe në gusht.
-
Zadar: nga 68 deri në 1,500 euro për të dy muajt e verës.
-
Poreç: nga 84 deri në 730 euro.
-
Makarska: nga 60 deri në 2,000 euro për natë.
Çmimet më të larta shënohen te apartamentet më luksoze, ndërsa vilat private dhe shtëpitë e pushimit nuk ishin të përfshira në hulumtim. Turistët këshillohen të rezervojnë me kohë, pasi situata e pasigurt e sigurisë dhe kërkesa e lartë mund të ndikojnë në disponueshmërinë dhe çmimet e akomodimit.
