Partia Demokratike Shqiptare (PDSh) ka njoftuar përfundimin e punimeve të Kuvendit Zgjedhor për Degën e Tearcës në Tetovë. Gjatë këtij takimi, i cili u karakterizua nga një proces i rregullt demokratik, delegatët kanë vendosur për udhëheqjen e re të degës.
Me votë unanime, kryetar i Degës së PDSh-së në Tearcë u zgjodh z. Bedri Shabani. Përveç zgjedhjes së kryetarit, Kuvendi ka emëruar edhe anëtarët e rinj të Kryesisë së Degës, duke kompletuar kështu strukturën menaxhuese për këtë zonë.
Sipas njoftimit nga Sekretariati për Informim i PDSh-së, ky proces është pjesë e riorganizimit partiak për të forcuar prezencën dhe aktivitetin e subjektit në terren.
