Lidhja Social Demokrate e Maqedonisë (LSDM) ka reaguar menjëherë pas vendimit për lënien në arrest shtëpiak të ish-zëvendëskryeministrit Artan Grubi. Sipas opozitës maqedonase, kjo masë është prova përfundimtare e një marrëveshjeje të fshehtë mes pushtetit dhe BDI-së, siç transmeton Kohanews.
LSDM pretendon se i gjithë procesi, që nga largimi i Grubit e deri te dorëzimi i tij, ka qenë një skenar i mirëorkestruar nga kryeministri Mickoski dhe strukturat e VMRO-DPMNE-së.
Akuzat kryesore të LSDM-së:
-
“Dili” i hapur: Partia opozitare deklaron se drejtësia është vënë nën kontrollin e plotë të pushtetit për të zbatuar marrëveshjen me BDI-në.
-
Skenari i kufirit: LSDM pyet se si është e mundur që kamerat në kufi nuk punonin kur Grubi u largua (edhe pse ishte në listën e ndalimit), ndërsa për kthimin e tij kishte regji dhe kamera në çdo hap.
-
Paradoksi i masës: “Nëse dikush ka ikur një herë nga shteti dhe ka qëndruar 14 muaj në arrati, pse i caktohet arrest shtëpiak dhe jo paraburgim?”, pyet LSDM, duke e quajtur këtë një tallje me drejtësinë.
-
Prapaskenat: Opozita vlerëson se kjo lëvizje është mbështetur edhe nga një fushatë mediatike e koordinuar, duke paralajmëruar se tashmë pritet të shihet se cila ishte “premtimi” që BDI i ka dhënë VMRO-së në këmbim të kësaj lirie.
Sipas LSDM-së, ky rast tregon qartë se institucionet e ndjekjes dhe gjyqësori po përdoren për qëllime politike, duke goditur rëndë besimin e qytetarëve te shteti ligjor.
/ KOHANEWS
