Shkup – Gjatë një interviste në emisionin “Debat në Shenja”, Bekim Fazliu nga Lëvizja Arbëria ka lëshuar një deklaratë të fortë lidhur me ndryshimet e pritshme në ekzekutiv. Sipas tij, ditët në vijim pritet të ketë lëvizje konkrete dhe shkarkime në nivele ministrore.
Ministrat që pritet të shkarkohen
Sipas vlerësimit të Fazliut, në listën e shkarkimeve pritet të jenë:
-
Ivan Stoilkoviq (Zëvendëskryeministër dhe Ministër për Marrëdhënie mes Komuniteteve)
-
Igor Fillkov (Ministër i Drejtësisë)
-
Vesna Janevska (Ministre e Arsimit dhe Shkencës)
Situata brenda koalicionit VLEN
I pyetur për ndryshimet e mundshme brenda lëvizjes VLEN, Fazliu u shpreh se kjo mbetet një çështje e brendshme e subjektit, por që vendimet merren gjithmonë në konsultim me partnerët e koalicionit.
“Vendimet për shkarkim apo emërim të ministrave në VLEN merren në konsultim me gjithë partnerët, por kjo ndarje i takon partisë brenda VLEN-it së cilës i takon ministria përkatëse,” u shpreh ai.
Performanca dhe sfidat e qeverisjes
Fazliu pranoi se funksionimi i qeverisë nuk është perfekt dhe se ka probleme të mëdha, por theksoi se VLEN mbetet i qëndrueshëm.
“Nuk dua të them se gjithçka është perfekte, ka probleme të mëdha, por VLEN-i qëndron. Sigurisht që performanca duhet të përmirësohet, por në krahasim me të tjerët, puna e VLEN-it dallon shumë,” deklaroi Fazliu në fund të fjalës së tij.
