Presidenti i Ukrainës, Volodymyr Zelensky, ka shpalosur tre shtyllat kryesore ku do të fokusohet gjatë samitit të sotëm të Komunitetit Politik Evropian (EPC) në Erevan të Armenisë:
-
Presioni diplomatik: Zelensky kërkoi forcimin e veprimeve të përbashkëta diplomatike për të parandaluar çdo zbutje të presionit ndaj Rusisë, duke theksuar se agresori duhet t’i japë fund luftës.
-
Paketa e ndihmës prej 90 miliardë eurosh: Prioritet mbetet përshpejtimi i qasjes dhe shfrytëzimi i fondit evropian të ndihmës për Kievin.
-
Mbrojtja ajrore dhe energjetika: Fokus i veçantë do t’i kushtohet forcimit të mbrojtjes ajrore dhe bashkëpunimit energjetik, duke u përgatitur që tani për sezonin e ardhshëm të ngrohjes përmes diversifikimit të mbështetjes.
Në këtë samit, që mbahet nën moton “Ndërtimi i së ardhmes: Uniteti dhe Stabiliteti në Evropë”, marrin pjesë rreth 50 krerë shtetesh dhe qeverish, përfshirë për herë të parë Kanadanë, e përfaqësuar nga kryeministri Mark Carney.
