TURQI – Ka shkuar në nëntë numri i personave që kanë humbur jetën pas sulmit të përgjakshëm në shkollën e mesme “Ayser Calik”. Lajmi tragjik u konfirmua nga autoritetet turke, të cilat saktësuan se tetë prej viktimave janë nxënës, ndërsa viktima e nëntë është një mësues i shkollës.
Ministri i Brendshëm turk, Mustafa Çiftçi, në një deklaratë për mediat bëri të ditur se situata mbetet mjaft e rëndë, pasi numri i të plagosurve ka arritur në 13 persona.
Gjendja e të plagosurve
Sipas Ministrit Çiftçi, ekipet mjekësore po luftojnë për jetën e të lënduarve që po trajtohen në spitalet rajonale:
-
6 persona ndodhen aktualisht në kujdes intensiv.
-
3 prej tyre janë në gjendje kritike për jetën.
“Si pasojë e këtij incidenti, për fat të keq kemi humbur 9 persona. Tetë prej tyre ishin nxënës dhe një ishte mësues. Përveç kësaj, 13 persona u plagosën. Gjashtë nga të plagosurit janë në kujdes intensiv dhe tre janë në gjendje kritike”, deklaroi ministri Çiftçi.
Hetimet në vijim
Forcat e sigurisë kanë rrethuar zonën dhe po punojnë për zbardhjen e plotë të rrethanave të këtij sulmi që ka tronditur mbarë opinionin publik. Ndërkohë, pamjet nga vendi i ngjarjes tregojnë kaos dhe dëshpërim mes familjarëve të nxënësve.
Për të parë pamjet nga vendi i ngjarjes, klikoni në videon e mëposhtme:
