Dega e Tetovës e Partisë Demokratike Shqiptare zhvilloi Kuvendin e saj Zgjedhor në kuadër të përgatitjeve për Kongresin e IX të partisë.
Gjatë punimeve, kuvendarët zgjodhën delegatët e degës së Tetovës duke ndjekur me përpikëri normat statutore dhe standardet demokratike të votimit. Po ashtu, u miratua propozim-lista për Kuvendin Qendror nga dega e Tetovës.
Në përmbyllje të kuvendit, të pranishmëve iu drejtua kryetari i Partisë Demokratike Shqiptare, Menduh Thaçi, i cili theksoi rëndësinë e organizimit dhe përkushtimit për një Kongres të IX të suksesshëm.
Të gjitha procedurat organizative u realizuan me sukses, duke konfirmuar angazhimin e degës së Tetovës për një proces demokratik dhe transparent.
📅 6 Maj 2026 | 🏛️ PDSH — Dega Tetovë | Kongresi i IX
