Kompania teknologjike Nothing ka shuar kureshtjen e ndjekësve duke zbuluar pamjen zyrtare të modelit të ri, Phone (4a), përpara prezantimit zyrtar që do të mbahet më 5 mars. Telefoni i ri ruan stilin transparent që e bëri të famshëm këtë markë, por sjell ndryshime rrënjësore në ndërfaqen e dritave, siç transmeton Kohanews.
Inovacioni “Glyph Bar”: Ndryshimi më i madh vizual është zëvendësimi i ndërfaqes së vjetër me të renë, të quajtur Glyph Bar. Ky sistem përbëhet nga gjashtë fusha katrore LED pranë kamerave, ku secila fushë përmban 9 mini-LED dioda të kontrollueshme veç e veç. Dritat janë më të fuqishme se në modelet e mëparshme dhe mbeten plotësisht të programueshme për njoftime dhe efekte.
Karakteristikat kryesore të Nothing Phone (4a):
-
Dizajni: Përveç ngjyrave klasike bardhë e zi, ky model do të vijë edhe në blu dhe rozë.
-
Ekrani: 6,78-inç AMOLED, FHD+ me frekuencë rifreskimi 120 Hz.
-
Performanca: Procesor Snapdragon 7s Gen 4, i shoqëruar me 12 GB RAM dhe 256 GB memorie të brendshme.
-
Bateria: Kapacitet mbresëlënës prej 5,400 mAh me karikim të shpejtë 50W.
-
Kamerat: Një sistem i fuqishëm me sensor kryesor 50 MP, një telefoto 50 MP (3,5x zoom optik) dhe një ultra-wide 8 MP.
Një detaj tjetër interesant është zhvendosja e butonit “Essential” në anën e majtë, për ta bërë më të lehtë përdorimin dhe dallimin nga butonat e zërit. Krahas këtij modeli, më 5 mars pritet të prezantohet edhe versioni më i fuqishëm, Phone (4a) Pro.
/ KOHANEWS
