DIBËR – Shoqata e Peshkatarëve Sportivë (SHPS) “Trofta” në Dibër u bën thirrje të gjithë peshkatarëve të respektojnë rregullat e mbrojtjes së fondit peshkor gjatë sezonit të shumimit.
Me qëllim ruajtjen dhe shtimin e peshkut, njoftohen afatet zyrtare të ndalesës për vitin 2026:
Kalendari i Ndalimeve:
-
Mlyshi (Kleni): Ndalohet peshkimi nga data 1 maj 2026 deri më 31 maj 2026.
-
Krapi: Ndalohet peshkimi nga data 5 maj 2026 deri më 10 qershor 2026.
Paralajmërim për sanksione
SHPS “Trofta” bën të ditur se çdo shkelje e këtyre afateve apo përdorimi i mjeteve të palejuara gjatë kësaj periudhe do të ndëshkohet rreptësisht sipas ligjeve në fuqi. Kontrollet në terren do të jenë të rrepta për të parandaluar dëmtimin e popullatës së peshkut në fazën e tyre më kritike.
“Ju lutemi të respektoni këto afate me përgjegjësi. Duke mbrojtur peshkun gjatë shumimit, ne sigurojmë një peshkim të qëndrueshëm dhe një mjedis të pasur për të gjithë,” thuhet në njoftimin e shoqatës.
Të kontribuojmë së bashku për një Liqen të pastër dhe të pasur!
Me respekt, SHPS “Trofta” – Dibër
