TETOVË / ARSIM – Në një intervistë për Lajm TV, Hasan Jashari nga Akademia Shqiptare e Shkencave dhe Arteve (në themelim), ka vlerësuar kontributin e kryetarit të Komunës së Tetovës, Bilall Kasami, si lideri i vetëm lokal që ka ofruar mbështetje konkrete financiare për këtë institucion.
Tetova, e vetmja që pagoi qiranë
Jashari sqaroi se gjatë tre viteve të fundit, Akademia ka mbijetuar përmes vetëfinancimit dhe mbështetjes së izoluar. Sipas tij, Bilall Kasami ka qenë i vetmi që ka mbajtur premtimin duke mbuluar shpenzimet e qirasë për ambientet e punës.
“Disa thonë se kush ju financon? Ne kemi 3 vite që financohemi vetë. Bilall Kasami është i vetmi prej kryetarëve të komunës deri tash që na ka ndihmuar, duke paguar qiranë. Të tjerët vetëm na kanë premtuar,” deklaroi Jashari.
Akademikët si ekspertë në komunat e VLEN-it
Përveç mbështetjes së deritanishme, Jashari njoftoi se para tre ditësh është mbajtur një takim me kryetarët e komunave që vijnë nga radhët e koalicionit VLEN. Nga ky takim është arritur një dakordësi që akademikët të angazhohen drejtpërdrejt në administratat lokale përmes kontratave në vepër.
Fushat ku do të angazhohen akademikët si ekspertë:
-
Arsim: Për përmirësimin e proceseve edukative.
-
Jurisprudencë: Asistencë në çështjet ligjore të komunave.
-
Ekonomi: Planifikim dhe zhvillim ekonomik lokal.
-
Ekologji: Zgjidhje për mjedisin dhe mbetjet.
Ky projekt synon që potenciali intelektual i Akademisë të vihet në shërbim të institucioneve lokale, duke u ofruar këtyre të fundit ekspertizë të lartë shkencore në lëmi të ndryshme.
/ KOHANEWS
