Berat Jakupi, një nga emrat më të suksesshëm dhe më të respektuar të karatesë në Maqedoninë e Veriut, ka njoftuar zyrtarisht përmbylljen e karrierës së tij aktive sportive. Pas një rrugëtimi të jashtëzakonshëm, i shoqëruar me rezultate elitare ndërkombëtare, ai ka vendosur të pensionohet nga garat dhe të nisë kapitullin e ri të jetës së tij profesionale.
Gjatë karrierës së tij brilante, Jakupi ka shënuar një varg suksesesh që e kanë vendosur në majat e karatesë botërore, duke e bërë një nga sportistët më të dekoruar në vend.
Arritjet kryesore të karrierës së Berat Jakupit:
-
I pari në ranglistën botërore në kategorinë e tij.
-
Fitues i dy medaljeve evropiane në nivel seniorësh: nënkampion Evrope dhe medalist i bronztë.
-
Katër herë Kampion Evrope në grupmoshat kadet, junior dhe U21.
-
Medalist i bronztë në Kampionatin Botëror U21.
-
Kampion Evrope dhe Botëror për Universitete.
-
Kampion i shumëfishtë i Ballkanit dhe kampion shtetëror.
-
Tre herë “Sportisti më i mirë i Maqedonisë”.
-
Sportist i dalluar i klubit Rabotnicki për rezultate të vazhdueshme elitare.
Karriera e tij ka qenë sinonim i përfaqësimit dinjitoz, disiplinës profesionale dhe nivelit më të lartë të garimit, duke inspiruar një brez të tërë të rinjsh të futen në sport dhe të ndjekin ëndrrat e tyre.
Në ditët në vijim, pritet të publikohen informacione shtesë për ceremonitë e mbylljes së karrierës së tij, si dhe për angazhimet e reja të Jakupit në sferën sportive.
