NAPOLI, 21 prill 2026 – Pas një mungese prej dy muajsh shkak i lëndimit, kapiteni i Kosovës, Amir Rrahmani, është gati të marrë sërish drejtimin e mbrojtjes së Napolit. Sipas raportimeve të fundit nga “Gazzetta dello Sport”, qendërmbrojtësi pritet të startojë në formacionin e parë në ndeshjen e së premtes kundër Cremoneses.
Rrahmani pësoi një lëndim në mes të muajit shkurt gjatë sfidës kundër Romës, gjë që e detyroi të humbiste shtatë ndeshje radhazi. Ndonëse ishte i grumbulluar në bankën rezervë në humbjen e fundit 2-0 ndaj Lazios, trajneri nuk rrezikoi aktivizimin e tij, duke i dhënë kohë për nxehje vetëm në pjesën e dytë.
Ky edicion ka qenë mjaft i vështirë për 32-vjeçarin, i cili është përballur me disa lëndime radhazi:
-
Shtator 2025: Lëndimi më i rëndë i pësuar me Kosovën ndaj Zvicrës, që e la jashtë për 11 ndeshje.
-
Janar 2026: Një shqetësim muskulor që e mbajti jashtë fushave për katër ndeshje.
-
Shkurt 2026: Lëndimi i fundit ndaj Romës, nga i cili sapo është rikuperuar.
Rikthimi i dardanit konsiderohet vendimtar për repartin defensiv të Napolit në këtë fazë të kampionatit. Ndeshja ndaj Cremoneses do të zhvillohet këtë të premte në stadiumin “Diego Armando Maradona”, me fillim nga ora 20:45.
