Pas përfundimit të javës së 15-të në Premier Ligë, Arsenal dhe Manchester City vazhdojnë të jenë liderët, por asnjëra nuk dominon qartë, duke paralajmëruar një sezon shumë të balancuar dhe interesant deri në fund. “Topçinjtë” kanë 33 pikë, ndërsa “Qytetarët” 31, ndërsa Aston Villa i ndjek nga afër me 30 pikë.
Skuadra nga “Villa Park” pati një fillim të vështirë të sezonit, duke kaluar disa ndeshje pa shënuar gola, por pas përmirësimit të formës, tashmë e sheh veten mbi ekipe si Chelsea, Liverpool dhe Manchester United. Fitorja e fundit kundër Arsenalit (2-1) ka rritur diskutimet mbi potencialin e Aston Villës për të synuar titullin, edhe pse trajneri Unai Emery ka shmangur të krijojë presion shtesë mbi ekipin.
Martyn Keown, ish-mesfushori dhe legjendë e Arsenalit, e ka vlerësuar punën e trajnerit Emery:
“Unai Emery nuk dëshiron të krijojë presion të tepruar, por puna që ka bërë me grupin ekzistues është e jashtëzakonshme. Aston Villa ishte e ndikuar nga rregullat e Fair Play financiar dhe fillimi i sezonit ishte i vështirë, por tani ‘Villa Park’ është një fortësim i vërtetë. Emery i ka kthyer në rivalë seriozë për titull,” tha Keown.
Situata aktuale tregon se sezoni 2025/26 i Premier Ligës do të jetë jashtëzakonisht konkurrues dhe surprizat nuk mungojnë.
