06/03/2026 – Pas ndryshimeve politike dhe rikthimit të papritur të Artan Grubit, revista javore maqedonase “Fokus” ngre pikëpyetje të mëdha mbi prapaskenat e kësaj lëvizjeje. Sipas informacioneve që përcjell ky medium, Grubi mund të ketë arritur një marrëveshje për t’u bërë “bashkëpunëtor” i drejtësisë në këmbim të kushteve më të lehta (arrest shtëpiak).
Tentativat e dështuara të Ali Ahmetit
Sipas gjetjeve të “Fokus”, Ali Ahmeti kishte tentuar përmes rrugëve politike t’i siguronte Grubit një terren më të favorshëm për betejën ligjore, por kjo kërkesë ishte refuzuar kategorikisht nga qeveria e udhëhequr nga VMRO-DPMNE.
-
Gjendja e Grubit: Njerëz të afërt me ish-zëvendëskryeministrin thonë se ai e kishte pasur shumë të vështirë qëndrimin larg shtëpisë dhe familjes, duke u ndjerë i braktisur nga “Reçica e Vogël” dhe madje i kërcënuar.
-
Marrëveshja e mundshme: Burime mirë të informuara për “Fokus” thonë se Grubi ka dhënë shenja se është i gatshëm të tregojë gjithçka që di për ish-bashkëpunëtorët e tij në parti dhe në qeveri.
“Lista e Zezë” e Artan Grubit
Ndonëse vetë Grubi ndodhet në “listën e zezë” të SHBA-së, thuhet se ai ka përpiluar listën e tij me emra për të cilët mund të dëshmojë. Sipas një përfaqësuesi të pushtetit, në këtë listë bëjnë pjesë 5 figura kyçe:
-
Blerim Bexheti (BDI)
-
Kreshnik Bekteshi (BDI)
-
Bujar Osmani (BDI)
-
Mile Zeçeviq (Ish-sekretar i LSDM-së)
-
Vice Zaev (Vëllai i ish-kryeministrit Zoran Zaev)
“A është kjo gjendje e Grubit e shfrytëzuar nga kundërshtarët e BDI-së për ta bërë atë pjesë të anës së tyre?” – ngre pyetjen autorit i shkrimit, Vlatko Stojanovski.
Tekstin e plotë të këtij hulumtimi mund ta lexoni në numrin më të ri të javores “Fokus”, të cilin mund ta blini edhe në formatin elektronik në këtë link:
/ FOKUS
