TETOVË – Kryetari i Lëvizjes Besa dhe njëri nga krerët e koalicionit VLEN, Bilall Kasami, ka zhvilluar një takim të frytshëm pune me kryetarin e Lidhjes së Diasporës së Bashkuar Kërçovare, z. Milaim Ziberi. Gjatë këtij takimi u diskutua gjerësisht për rolin e rëndësishëm që mërgata shqiptare luan në zhvillimin ekonomik dhe mbështetjen e vazhdueshme që koalicioni VLEN po koordinon për këtë sektor vital, siç transmeton Koha News.
Në fokus të bisedës ishte kontributi historik i diasporës në çdo proces kombëtar, politik, ekonomik dhe kulturor të shqiptarëve në Maqedoninë e Veriut. Kasami theksoi se lidhja me vëllezërit në mërgatë duhet të mbetet organike dhe të kultivohet me projekte konkrete që lehtësojnë përfshirjen e tyre në vendlindje.
Koalicioni VLEN rikonfirmoi përkushtimin për të qenë një zë i fuqishëm i diasporës, duke ofruar platforma që mbështesin investimet dhe ruajtjen e identitetit kombëtar. Ky takim shënon një tjetër hap në forcimin e urave mes faktorit politik dhe forcës ekonomike të mërgatës sonë.
/ Koha News
