Katër diplomatë të NATO-s kanë ngritur shqetësime në rajonin e Ballkanit Perëndimor, duke përfshirë Kosovën, pas deklarimeve se Shtetet e Bashkuara po ushtrojnë presion për reduktimin e aktiviteteve jashtë zonës tradicionale të mbrojtjes, përfshirë edhe trupat e KFOR-it. Lajmin e transmeton portali KOHANEWS.
Sipas raportimeve të POLITICO, Uashingtoni ka lobuar muajt e fundit për zvogëlimin e misionit paqeruajtës në Kosovë, duke e quajtur këtë nismë “kthim në parametrat fillestarë”. Megjithatë, një zyrtar i NATO-s ka deklaruar për Dukagjinin se pozicioni dhe forca e KFOR-it rishikohen rregullisht, por aktualisht nuk ka ndryshime të konsiderueshme në shqyrtim.
Pentagoni gjithashtu ka theksuar se nuk ka vendime për reduktim të trupave në Kosovë, duke siguruar se misioni mbetet i fokusuar në ruajtjen e stabilitetit dhe sigurisë në rajon.
👉 Ky sqarim vjen pas alarmeve diplomatike, duke qetësuar opinionin publik se për momentin nuk ka lëvizje konkrete për zvogëlim të pranisë së KFOR-it në Kosovë.
/KOHANEWS
