BERLIN – Kryeqyteti i Kosovës tashmë do të figurojë me emërtimin korrekt në dy nga platformat më të mëdha gjermane të udhëtimeve, HolidayCheck dhe CHECK24. Lajmin e ka bërë të ditur Ambasadori i Kosovës në Berlin, Faruk Ajeti, duke e cilësuar këtë si një sukses të diplomacisë aktive dhe reagimit qytetar.
Çfarë ndryshoi?
Deri më tani, këto platforma përdornin formën “Priština”, ndërsa pas angazhimit të Ambasadës dhe kërkesave të shumta të qytetarëve, emërtimi është ndryshuar në “Prishtina” ose “Pristina”.
Thirrja për qytetarët:
Ambasadori Ajeti ka ftuar bashkatdhetarët që të jenë “syri dhe veshi” i shtetit në Gjermani. Nëse hasni pasaktësi në prezantimin e Kosovës apo qyteteve të saj në kompani apo institucione gjermane:
-
Dokumentoni pasaktësinë (screenshot/foto).
-
Dërgojeni në emailin:
embassy.germany@rks-gov.net.
Ky hap vlerësohet si ekstremisht i rëndësishëm për identitetin e Kosovës në sytë e miliona turistëve gjermanë që përdorin këto platforma çdo vit.
