Pas një vale protestash dhe presioni të vazhdueshëm, Qeveria është detyruar të ulet sërish në tryezën e bisedimeve me Sindikatën e AAGJSHQ (ish-UPOZ). Takimi vendimtar është caktuar për këtë të enjte në orën 16:45, ku do të diskutohen kërkesat për rritjen e pagave të punonjësve në administratë dhe sistemin gjyqësor.
Rrugëtimi drejt marrëveshjes:
-
Janar 2025: Punonjësit e AAGJSHQ protestuan masivisht, por negociatat u ndërprenë në mënyrë të njëanshme nga ana e Qeverisë.
-
Tetor 2025: Sindikata kërkoi zyrtarisht që rritja e pagave të përfshihet në planifikimin buxhetor për vitin 2026.
-
28 Janar 2026: Pas rifillimit të protestave, Qeveria “u dorëzua” dhe doli me një ofertë konkrete për punëtorët.
Fitore për punonjësit
Sindikata e AAGJSHQ thekson se ky sukses është rezultat i drejtpërdrejtë i qëndresës së punonjësve. Ata bëjnë të ditur se rritja e re nuk do të cenojë të drejtat ekzistuese të fituara me kontrata kolektive, por do të jetë një përfitim shtesë material.
“Kjo ofertë është fituar me protestë. Pa presionin e anëtarëve të AAGJSHQ, Qeveria nuk do të ishte kthyer në tavolinën e bisedimeve,” deklarojnë nga Sindikata.
